1939-cu
ildə dünya tarixində ən qanlı müharibələrdən biri başlandı. Tarixdə bu İkinci
Dünya müharibəsi adlanır. Bu, əvvəlki bütün müharibələrdən daha dəhşətli
müharibə idi. Bu­rada dünyanın 65 dövləti işti­rak edirdi. Doğma Vətənimiz Azərbaycan
bu müharibəyə SSRİ-nin tərkibində qatılmışdı. Başqa xalqlar kimi bizim xalqı­mız
da dünyanın gələcəyinə, in­sanlığa qarşı böyük təhlükə olan faşistlər əleyhinə
mübarizə aparırdı.

           Azərbaycan
vahid hərbi dü­şərgəyə çevrilmiş SSRİ-nin bir hissəsi idi. Bu hərbi düşərgənin
bir hissəsində Sovet qoşunları alman ordularına qarşı üz-üzə vuruşurdu.

           İkinci Dünya müharibəsi fa­şizmə qarşı dünya
xalqlarının ölüm-dirim
müharibəsi idi. Faşizm bəlasına qarşı mübarizə üçün xalqımız 600 minə
qədər övladını cəbhəyə yola saldı. Azərbaycanın yüzlərlə qəhrə­man oğulları
döyüşən orduda misilsiz qəhrəmanlıqlar göstər­mişdilər.

           1945-ci
ilin 9 mayında SSRİ alman faşizm üzərində qələbə çaldı. Bu qələbənin əldə olun­masında
Azərbaycan nefti əsas rol oynamışdı.

Dövlətimiz
Böyük Vətən müharibəsinin iştirakçılarını diqqət mərkəzində saxlayır. Hər il qələbə
günündə onlara birdə­fəlik maddi yardımlar göstərilir.

           Xalqımız
bu müharibədə həlak olanların xatirəsini həmi­şə əziz tutur, öz qəhrəman oğul­ları
ilə fəxr edir, onları unut­mur.